Farsdagsfrukost!

 Eg er alltid tidleg oppe uansett dag, og når det framleis er mørkt om morgonen er det koseleg å tenne lys. Sidan det er farsdag i dag, var det kjekt å dekke på litt ekstra fint. Dette koppesettet er frå Høganes og er etter kvart blitt nokre år. Eg har alltid likt dette koppesettet og designet er tidlaust har eg funne ut. Eg ser stadig koppar og fat med denne enkle rada med prikkar som dekor, enkelt med nydelig. Også den same gråfargen har eg sett på nyare koppar og fat.

 

Grip dagen far! Då passa det fint å setje fram desse to telysholdarane som eg kjøpte i vinter!! Har ikkje hatt dei framme før i dag, og far skrytte og tykte dei var veldig fine!! :) Då fekk eg iallefall ikkje beskjed om at lysestakar har vi nok av! 

Desse er kjøpt i ein interiørbutikk på nær Bryggen i Bergen. Namnet på butikken huskar eg ikkje, men for dei lokalkjende så er det ein butikk med lita fasade, men kjempelang bakover. ( nær Kjøttbørsen) Her finn du også veldig mykje flott sengetøy, og prisane er ok på det meste i denne butikken!

Vi hadde ein fin frukost i lag!

Morgenkaffi

Ein stille palmesøndagsmorgen i heimen, mor er oppe mens resten søv, og radioen held meg med fint selskap. Då er det nydelig med god nylaga kaffi attåt påskas frukostegg og skive med ansjos og majones. Nyytes!

Farlig god dessert!!!

Ein farlig god dessert!! Den liknar litt på tilslørte bondepiker, men er laga med bringebær i staden for eplemos. Og den er veldig enkel å lage.
Oppskrifta er slik:

Bruk 1/2 pk Marshmallows, klipp kvar opp i 3-4 bitar.

1/3 pk Digestive og 1/2 pk Mariekjeks knuses i ein plastpose. Det er også godt med Kornmokjeks i denne blandinga, men det hadde eg ikkje i dag.

Pisk 2 pk kremfløyte og bland i Marshmallows.

Fyll i dessertskåla slik:

Lag 1: Krem m/Marshmallows

Lag 2: Rørte bringebær

Lag 3: Knuste kjeks

Lag 3-4 slike lag og avslutt med krem øverst.

Sveler!

I dag har eg laga nydelege tjukke sveler. Oppskrifta på desse er mykje brukt på Vestlandet, og på dei mange ferjene som kryssar fjordane våre, får du også kjøpt slike sveler. Då blir dei kalla Ferjesveler!!
Dei er raske å lage, og smakar aller best når dei er rykande ferske. Då er det nok å ha berre smør og sukker på! Men elles er det godt med både sylte, brunost og rømme på.

Her er oppskrifta:
3 egg
2 dl sukker
Lag eggedosis!

Tilsett:
2 ts natron
1 ts hornsalt
2 ts vaniljesukker
1 l kulturmjølk
50 gr smelta margarin
Mjøl til passe røre,
dvs den skal vere ganske tjukk. Men la den stå og svelle litt før du steiker, og tilsett evt. litt meir mjøl om den er for tynn.
For at steikinga skal gå fort, så brukar eg å steike på ei stor takke. Men det går like fint å steike dei på vanlig steikepanne. Pensle plata med litt smør av og til om det heng fast.

Lørdagswok!

God mat må til innimellom, men det er ikkje alltid ein har oppskrift på det ein skal lage. Denne woken vart laga etter eigen ide. Ingrediensane var omlag slik:

• Strimla svinekjøt
• Squash
• Broccoli
• Champignon
• Babymais
• 1 pose broccoliblanding
• 1 post Santa Maria wok saus, Yellow curry (mild type)

Og samansetjinga var svært vellukka viste det seg!

I tillegg til kokt ris, laga eg foccaccia med frisk rosmarin på.

Oppskrift:

• 1/2 pk gjær
• 3 dl lunka vatn
• 1,5 dl melk
• 3 ss olje
• 1 ts salt
• 1/2 ts sukker
• kveitemjøl til passe fast deig

Lag laus deig, heve 1/2 t. Ha ut over bakeplate, ha på frisk eller tørka rosmarin, ha over olivenolje og jobb den litt ned i deigen med fingrane. Dryss over Maldonsalt før du steiker v/230 gr i 20-25 min midt i omnen.