Austin rose

I går fann eg denne Austinrosa på Plantasjen!! Den heiter Abraham Darby.
Hurra for det, for slike roser er ofte vanskelig å få tak i. Har kjøpt nokre Austinroser tidlegare, men i vinter fraus mange, det var kjempekaldt lenge! Austinroser er store og mange er fyllte opp tett i tett med roseblad. Nydelige, det er nok med berre ei rose til ein dekorasjon!

Dette er beskrivelse henta frå ei nettside, "Rosa Røyse":

"Stor velformet aprikos rosa blomst. Sterk duft. Sunn, velforgrenet busk. Egnet for solitær."

Roser.....

Siste åra har eg oppdaga kor vakre enkelte roser er. 2 skrantete Nina Weibull (klaserose) har overlevd i hagen min i minst 15 år utan å ha fått noko særleg med stell, ganske enkelt fordi eg ikkje har likt roser så godt.

Så var eg på besøk hos ei venninne for nokre år sidan og fekk sjå ei Austin-rose. Då var det gjort! Stor som ein tallerken, fyllt med tett i tett med vakre kronblad,.....ei enkelt rose var nok i seg sjølv til å stå i ein vase. Etter den dagen byrja eg å sjå etter Austin-roser eller historiske/engelske roser i hagesentra.

Og nokre har det blitt, ei kjøpte eg i fjor, men den står fremdeles i potta utan å vere planta, 2 nye har komt til i år, så no MÅ eg plante dei snart.

HER på denne sida er det eit firma , Rosa Røyse, som har spesialisert seg på slike roser, oppdaga den nyleg, så no skal eg kose meg med den.