mandag 3. august 2015

Stoltips!

Må berre dele dette flotte tipset til  Cassandra Nyland Berg.


Ho har pussa opp gamle stolar til å bli moderne polstra stolar. Møbelstoffet er kjøpt på Jysk og du finn nøyaktig framgangsmåte på bloggen Camslykke!


torsdag 25. desember 2014

Julero!

Forige innlegg kom i mai! Uff, her har ikkje bloggen vore prioritert! Men siste innlegg heitte "Herlig", det burde nesten dette også heite. Det er tidleg 1. juledagsmorgen, stille i huset og det er berre eg, flammane i ovnen, juletreet som lyser og roleg klassisk musikk frå P2! Nydeleg!



Dagen i dag vert nok både kald og vakker. Minus 7 gr i morgontimane, og den lyse himmelen i aust lovar ein strålande dag!

fredag 30. mai 2014

Herlig!

Ein inneklemd dag som vart fridag er berre herlig! Iallefall når sola skin og det er varmt og godt. Då er det herlig å sitje på verandaen og ta ein kvil og kaffi før ein skal jobbe meir i hagen!

fredag 20. desember 2013

Mine 7 julehjelper!!

Dette er mine 7 flittige julehjelper! Kvar dag stiller dei opp med minst 6 store brune nylagde egg, som oftast er der 7 egg! Dette kjem vel med når eg skal lage kaker til jul, diverse bakst og ha hardkokt egg til nydeleg røykalaks.


I dag var eg heilt tom for egg på kjøkkenet, men tok då korga mi og kom i hus att med 30 egg.
Sjølvsagt kostar dei litt i drift med for, men dei vert også fora med brødrestar, frukt og anna matavfall frå kjøkkenet! Dei er så lykkelege for all variert kost, hiver seg over den og skravlar i veg.

Høner er kjekke skapningar å ha på ein liten gard! Dei kom til gards i august, og til sommaren skal dei få vere ute i luftegarden og kanskje få seg nokre turar i hagen.

søndag 10. november 2013

Farsdagsfrukost!

 Eg er alltid tidleg oppe uansett dag, og når det framleis er mørkt om morgonen er det koseleg å tenne lys. Sidan det er farsdag i dag, var det kjekt å dekke på litt ekstra fint. Dette koppesettet er frå Høganes og er etter kvart blitt nokre år. Eg har alltid likt dette koppesettet og designet er tidlaust har eg funne ut. Eg ser stadig koppar og fat med denne enkle rada med prikkar som dekor, enkelt med nydelig. Også den same gråfargen har eg sett på nyare koppar og fat.
 
Grip dagen far! Då passa det fint å setje fram desse to telysholdarane som eg kjøpte i vinter!! Har ikkje hatt dei framme før i dag, og far skrytte og tykte dei var veldig fine!! :) Då fekk eg iallefall ikkje beskjed om at lysestakar har vi nok av! 
Desse er kjøpt i ein interiørbutikk på nær Bryggen i Bergen. Namnet på butikken huskar eg ikkje, men for dei lokalkjende så er det ein butikk med lita fasade, men kjempelang bakover. ( nær Kjøttbørsen) Her finn du også veldig mykje flott sengetøy, og prisane er ok på det meste i denne butikken!
Vi hadde ein fin frukost i lag!

tirsdag 15. oktober 2013

Vakkert!

Kanskje på tide med årets første innlegg...... denne bloggen har ikkje hatt første prioritet i år, og då blir det stillstand. Er forsatt like interessert i hus og hage og interiør, så her kjem nokre vakre bilder frå hagen min.


Bilda er av eit tre som heiter Hjertetre, og kvar haust gløder det i alle dei vakre hjerteforma blada. Og når himmelen er knallblå og sola gyllen og varm, ja då blir det berre VAKKERT!





torsdag 6. desember 2012

Den kvite hjorten!

Det ser ut til at også hjort er blitt eit julesymbol, ja for eg syns den liknar meir på hjort enn reinsdyr. I fjor viste Charm Design nydelige reinsdyr i brunt, du ser dei HER, og etter det har eg sett etter liknande.

Og liknande har eg sett, i alle slags underlege unaturlege former, pels og fargar, og ikkje minst prisar. Har i det siste skjøna at i år er dyra kvite, så no har eg også kikka etter det. Nokre var ikkje fine, og nokre var for dyre, inntil eg fann denne som såg nokolunde normal ut og attpåtil hadde ein ganske unormal pris!! Den er rett nok av hard plast, men til ein pris på kr 33.30 hos Søstrene Greene, så fall valet på denne utgåva. At den er av plast merkar ein ikkje før den vert letta opp.