Farsdagsfrukost!

 Eg er alltid tidleg oppe uansett dag, og når det framleis er mørkt om morgonen er det koseleg å tenne lys. Sidan det er farsdag i dag, var det kjekt å dekke på litt ekstra fint. Dette koppesettet er frå Høganes og er etter kvart blitt nokre år. Eg har alltid likt dette koppesettet og designet er tidlaust har eg funne ut. Eg ser stadig koppar og fat med denne enkle rada med prikkar som dekor, enkelt med nydelig. Også den same gråfargen har eg sett på nyare koppar og fat.

 

Grip dagen far! Då passa det fint å setje fram desse to telysholdarane som eg kjøpte i vinter!! Har ikkje hatt dei framme før i dag, og far skrytte og tykte dei var veldig fine!! :) Då fekk eg iallefall ikkje beskjed om at lysestakar har vi nok av! 

Desse er kjøpt i ein interiørbutikk på nær Bryggen i Bergen. Namnet på butikken huskar eg ikkje, men for dei lokalkjende så er det ein butikk med lita fasade, men kjempelang bakover. ( nær Kjøttbørsen) Her finn du også veldig mykje flott sengetøy, og prisane er ok på det meste i denne butikken!

Vi hadde ein fin frukost i lag!

Vakkert!

Kanskje på tide med årets første innlegg...... denne bloggen har ikkje hatt første prioritet i år, og då blir det stillstand. Er forsatt like interessert i hus og hage og interiør, så her kjem nokre vakre bilder frå hagen min.

Bilda er av eit tre som heiter Hjertetre, og kvar haust gløder det i alle dei vakre hjerteforma blada. Og når himmelen er knallblå og sola gyllen og varm, ja då blir det berre VAKKERT!

Den kvite hjorten!

Det ser ut til at også hjort er blitt eit julesymbol, ja for eg syns den liknar meir på hjort enn reinsdyr. I fjor viste Charm Design nydelige reinsdyr i brunt, du ser dei HER, og etter det har eg sett etter liknande.

Og liknande har eg sett, i alle slags underlege unaturlege former, pels og fargar, og ikkje minst prisar. Har i det siste skjøna at i år er dyra kvite, så no har eg også kikka etter det. Nokre var ikkje fine, og nokre var for dyre, inntil eg fann denne som såg nokolunde normal ut og attpåtil hadde ein ganske unormal pris!! Den er rett nok av hard plast, men til ein pris på kr 33.30 hos Søstrene Greene, så fall valet på denne utgåva. At den er av plast merkar ein ikkje før den vert letta opp.

Ferdinand Finne

I går var eg på loppemarked og kom over eit fantastisk fat! Dette blå fatet med gule sitronar stod og venta, med ein prislapp på 10 kr!!! Kven finn på å kvitte seg med slikt? Det er ca 30 x 40 cm og passar perfekt på spisebordet!

Desse sitronane minner meg om Ferdinand Finne, det gule sitronserviset han har designa og som eg har ønska meg lenge,...men ikkje kjøpt enno. Med Finne i tankane så rusla eg vidare på loppemarkedet, og midt mellom bøkene så dukka det utruleg nok opp ei flott bok av,..........Ferdinand Finne!!!

Eit merkeleg sammentreff at denne boka stod akkurat der??? Og denne boka til 5 kr!!! Eg er allereie begynt å lese i den og han skriv om sine opplevingar på øyar i Middelhavet. Første øya er Panarea, ei øy eg aldri hadde høyrt om, men som eg måtte Google. Ei lita øy ved Sicilia, fann eg ut og kom over ein video om den på You Tube. Du finn den HER.

Desse tre bilda er frå denne boka. Han er ein flott kunstnar og brukar friske fargar, men også mange svart-kvitt tegningar.

Så det ser ut til at dette sakl bli ei bok der eg vil lære om liv og landskap på øyane i Middelhavet.

Morgenkaffi

Ein stille palmesøndagsmorgen i heimen, mor er oppe mens resten søv, og radioen held meg med fint selskap. Då er det nydelig med god nylaga kaffi attåt påskas frukostegg og skive med ansjos og majones. Nyytes!

Vår- vinter-snart vår igjen

Overskrifta på innlegget her fortel det meste! Sist fredag var det reint vårleg ute, snøen heldt på å smelte bort og eg såg grøne spirar i løkbedet ute. Inne i stova stod det 2 nyinnkjøpte primula og lyste mot meg. Frisk rosafarge er ein gladfarge, og visst gleder ein seg til vår når ein ser slikt!

Men det løner ser å følge med på Yr eller på tv, for laurdag morgen vart eit sjokk. Det var julestemning ute, og mitt humør rykka 3 steg tilbake!! 20 cm snø!! Heilt unødvendig!
Men det var lett snø, så det var også vakre vintermotiv å sjå ute, og å gå i ute. Så det vart ein vinterleg søndag også.
Men akk, i dag tidleg var det verre å sjå ut, for her var det plussa på 20 cm ekstra med snø!
.......og denne snøen vart forvandla på kort tid, frå lett puddersnø om morgonen til kram snø nokre timar seinare, til våt snø og regnbyger, til slaps og flaum på veier og flater!

Så no er håpet på ei ny vårløysing, for onsdag 22.2 er det Peder Stol eller Per Varmestein iflg Primstaven, det betyr vel at snøen smeltar bort??

Dagen derpå!

Må berre formidle dette artige innlegget hos Living White! For dagen derpå etter fredag den 13. så er her ein del tips til korleis vi kan skrive skademeldingar!!